Territori i Republikës së Shqipërisë, në funksion të administrimit të burimeve ujore, ndahet në gjashtë basene ujore, sipas një vendimi të fundit të Këshillit të Ministrave.
Ato janë:
a) Baseni ujor Drin-Bunë, me qendër në Shkodër;
b) Baseni ujor Mat, me qendër në Lezhë;
c) Baseni ujor Ishëm-Erzen, me qendër në Tiranë;
ç) Baseni ujor Shkumbin, me qendër në Elbasan;
d) Baseni ujor Seman, me qendër në Fier;
dh) Baseni ujor Vjosë, me qendër në Vlorë.
Për çdo basen ujor funksionon Agjencia e Basenit Ujor (ABU) dhe Këshilli i Basenit Ujor (KBU).
Numri i anëtarëve për këshillat e basenit ujor të jetë, si më poshtë vijon:
a) Baseni ujor Drin-Bunë 23 anëtarë;
b) Baseni ujor Mat 15 anëtarë;
c) Baseni ujor Ishëm-Erzen 21 anëtarë;
ç) Baseni ujor Shkumbin 17 anëtarë;
d) Baseni ujor Seman 29 anëtarë;
dh) Baseni ujor Vjosë 27 anëtarë.
Kryetari i KBU-së të jetë prefekti i prefekturës më të madhe të qarkut në të cilin ndodhet basenin ujor, i cili do të jetë në këtë funksion për aq kohë sa ushtron detyrën si prefekt.
Nënkryetari i KBU-së të zgjidhet nga Këshilli i Basenit Ujor.
Sekretari i KBU-së të jetë drejtuesi i Agjencisë së Basenit Ujor, i emëruar nga ministri përgjegjës për menaxhimin e burimeve ujore.
