Tensionet nuk kanë munguar edhe në seancën e sotme parlamentare.
Protagonist ka qenë sërish deputeti Erion Braçe i cili ka nisur të flasë nga vendi kur fjalën po e merrte kreu i grupit Parlamentar të PD-së, Edi Paloka.
Ky pretendoi se u ofendua dhe u fye nga Braçe.
Edmond Spaho ndërhyri duke thënë, “Ju lutem kontrolloni fjalorin. Mos flisni me gjuhën e rrugaçit në Kuvend”
Erion Braçe vijoi të flasë nga salla, “Ik o ordiner, s’të foli njeri ty”.
Në këto kushte, drejtuesi i seancës, Edmond Spaho e ndërpreu atë deri sa të qetësohej situata.
Me rifillimin e seancës, Paloka mori fjalën dhe kërkoi që të mblidhet Byroja e Kuvendit dhe të përjashtojë deputetin Braçe për fjalor fyes.
Mirëpo, nënkryetarja Leskaj tha se kreu i Kuvendit nuk ndodhej në sallë dhe se ajo nuk mund ta mblidhte dot Byronë.
Replikat
Edi Paloka: Ju duhet të dënoni deputetin tuaj që në mënyrë të përsëritur fyen jo vetëm deputetët e opozitës por këtë herë fyeu edhe drejtuesin e seancës. Në sytë të të gjithë deputetëve prandaj bëni mirë të merrni masa. Ku janë kamerat se nuk po shoh as kamerat
Valentina Leskaj: Jeni direkt zoti Paloka.
Edi Paloka: Zonja drejtuese e seancës mblidhni byronë që e keni për të dënuar opozitën dhe merrni vendim për të përjashtuar deputetin tuaj përndryshe vetëm sa do i vërtetoni shqiptarëve kush jeni.
Valentina Leksaj: Ne patëm një diskutim dhe natyrisht kryetari nuk është këtu dhe mbledhja e byrosë nuk mund të bëhet dhe masa nuk mund të merret këtë besoj e keni të qartë.
