Një debat është zhvilluar në seancën e sotme parlamentare midis Kryeministri Edi Rama me deputeten e Partisë Demokratike, Jordida Tabaku.
Nga foltorja e Kuvendit, Rama mori fjalën, për të replikuar mbi fjalimin e Tabakut, e cila akuzoi qeverinë për rënien e nivelit ekonomik lidhur me atë cfarë transmetonin edhe raportet ndërkombëtare sipas saj. “Për sa i përket raporteve, zonjë apo zonjushë se nuk jam i qartë për statusin, të kërkoj ndjesë për këtë”, tha Rama.
Ka qënë kjo fjalia e pakujdeshsmë e Kryeministrit Rama që Tabaku të kërkonte fjalën për replikë, duke shtuar se Rama është mësuar që të ofendojë femrat, duke marrë në diskutim nëse ato janë apo jo të martuara.
“Nuk harroj që të mendoj se ca diskutimi banal bëhet në këtë parlament, është e martuar apo jo. Rama është mësuar që të ofendojë femrat. Preferoj që në këtë parlament të diskutojmë idetë dhe jo të ofendojmë njëri-tjetri. Ndoshta ju jeni mësuar që të ofendoni, por ne të PD jo.”, është shprehur Tabaku.
Ndërkohë, kryeministri Rama iu përgjigj sërish Tabakut, duke i nënvizuar asaj se ai i kërkoj ndjesë për titullin ‘zonjushë’, ndërsa e korrigjoi deputeten që mos ti drejtohej me ‘ti’. “Shumë e nderuar deputete, unë ju kërkova ndjesë dhe flm që ma sqaruat zonja deputete. Nuk e di se në cilin libër të edukatës, ju e keni mësuar që të më drejtoheni me ti. Ju s’mund të më drejtoheni me ti. Dakord”.
