Kryetari i Kuvendit Ilir Meta deklasoi sërish sot se reforma në drejtësi duhet miratuar një orë e më parë, por ndryshe nga herët e tjera nuk nxori ministrin e Drejtësisë të thoshte të kundërtën fill më pas.
Kanë kaluar mbi dy orë që kur ai deklaroi se “nga dita e djeshme, reforma në drejtësi ka përfunduar” dhe nuk ka pasur një qëndrim të dyfishtë prej tij.
Pranimi i reformës nga Ilir Meta është një hap i rëndësishëm për implementimin e saj, bile mund të thuhet se hiqet e vetmja pengesë që nuk dukej dhe vështirë të menaxhohej në pastrimin gjyqësorit
“Themi se ka përfunduar, pasi kjo ka qenë ajo që ne kemi pritur. Kemi pritur fjalën përfundimtare të Komisionit të Venecias, që u dha përpara dy muajsh dhe kemi pritur fjalën përfundimtare të ekspertëve të EURALIUS-it dhe të OPDAT-it për disa çështje, që nuk ishin shteruar në mënyrë të plotë nga Komisioni i Venecias apo që përbënin diferenca midis palëve.
Kështu që nga dita e djeshme, me dorëzimin e opinioneve përfundimtar edhe të ekspertëve të EURALIUS-it dhe të OPDAT-it, besoj se gjithçka ka përfunduar dhe grupi parlamentar i LSI-së, është bërë gati për ta votuar këtë variant dhe këtë reformë nga dje, jo nga sot, aq më tepër nga e hëna”, deklaroi Ilir Meta.
