Zbardhet tentativa e grabitjes me armë e maska ndaj një kryefamiljari në Vlorë. Policia ka arrestuar një nga autorët, Ervis Toro 28 vjeç dhe ka shpallur në kërkim bashkëpunëtorin e tij me iniciale J.T, nderkohe që po punohet për identifikimin e autorit të tretë.
Ngjarja ka ndodhur më 29 prill në lagjen ‘Isa Boletini’ të Vlorës. “Tre autorët, shkuan të maskuar dhe të armatosur para hyrjes së derës të banesës së 39vjeçarit K.Q. në katin e 6të të pallatit ku banon, me qëllim për të grabitur, por pasi kanë hasur kundërshtimin e pronarit të kësaj banese e kanë goditur një herë në kokë me qytën e pistoletës dhe më pas janë larguar menjëherë” njofton policia.
