Deputeti Ben Blushi tha sot në parlament se mbledhja e lajmëruar e grupeve parlamentare ambasadorët e SHBA dhe BE është shuarje integritetit të parlamentit dhe tallje me klasën politike shqiptare që ishte për vendin esadiste për 25 vite me rradhë.
“Me dyshimin arsyeshëm se klasa politike nuk do reformën në drejtësi, ambasadorët e SHBA dhe BE do të mbledhin nesër grupet parlamentare. Ata kanë vendosur ta mbledhin parlamentin jashtë kësaj salle. Ka pasur raste që kemi qenë edhe më qesharakë se kaq. Por në një kuptim dhe në cdo kuptim pas kësaj dite ky parlamenti ka humbur integritetin dhe sovranitetin e vet”, tha Blushi.
Në vijim ai tha se megjithatë kjo mbështetje për reformën në drejtësi ka një cmim. Cmimi është tallja me ne, cmontimi i këtij parlamenti, shfarosja e kësaj klase politike.
Për 25 vite nuk i seleksionuam në mënyrë natyrale speciet tani po bëhet me reformën në drejtësi. Sic duket gjëja më e mirë shtë të ikim. Edhe shqiptarët mund të kenë të njëjtin mendim, tha deputeti socialist.
Reforma në drejtësi mund të ndalë shpopullimin e Shqipërisë dhe do të lejojë largimin e politikanëve të vet.
Ky parlament ka qenë shpesh sadist, por cdo ditë ka qenë esadist. Të jesh esadist është të jesh kundër interesit kombëtar, publik. Kundër atyre që vuajnë dhe atyre që nuk marrin drejtësi, pra kundër Shqipërisë.
“Esadistë dhe Esad Toptani nuk ikte dhe nuk përkulej.
Ambasadorët vijnë në grupet tona parlamentare për të na bindur se duhet të bëjmë drejtësi. Kjo do të thotë se ne nuk duam të bëjmë drejtësi. Parlamenti i Shqipërisë nuk ka as fuqi, as dinjitet për të bërë atë që duhet, ne po tallemi dy herë, një herë nga ndërkombëtarët dhe një herë nga shqiptarët. Ky parlament e konsumuar kohën dhe ka ardhur koha të ikim në shtëpi. Sot parlamentarët duhet të skuqen. Kjo klasë politike e meriton deri në fund këtë tallje. Ku është fillimi i fundit. Koha e esadistëve ka përfunduar”, përfundoi fjalën e tij Ben Blushi.
