Ky është Elton Çiça, 36 vjeçari nga Tepelena i cili u vra dy ditë më parë në amibentet e lokalit “De Niro” pranë stadiumit “Selman Stermasi” në Tiranë. Bëhet fjalë për një vrasje të tipit mafioz, pasi autori ka hyrë me shpejtësi në lokal, është drejtuar menjëherë nga tavolina ku ndodhej Çiça dhe e ka qëlluar me dy plumba në kokë me gjakftohtësinë më të madhe. Pasi ka kryer vrasjen ai është larguar me shpejtësi nga lokal.
Viktima Elton Çiça
Ndërkohe policia njofton sot se janë shoqeruar 29 persona dhe është arrestuar një person për këtë ngjarje, sipas policisë është vënë në pranga Redjan Rraja, 31 vjeç, banues në Krujë i cili akuzohet për prishje të skenës së krimit. Raja ka qënë personi që e shoqëronte në tavolinë viktimën Elton Çiça.
“Më datë 01.05.2016, rreth orës 22:10, në rrugën ”Gjin Bue Shpata”, në ambjentet e lokal ”Bar Kafe Deniro”, është qëlluar me armë zjarri shtetasi Elton Çiça, 36vjeç, banues në Tepelenë, i cili ka humbur jetën gjatë trasportimit për në spital. Shtetasi Elton Çiça, ka qënë në shoqërinë e shtetasve: A. T., S. K. dhe shtetasi Redjan Rraja, 31 vjeç, banues në Krujë, i cili u arrestua për veprën penale “Veprime që pengojnë zbulimin e të vërtetës”, parashikuar nga Neni 301 i Kodit Penal. Në momentet që këta shtetas kanë qënë duke qëndruar, në lokal ka hyrë një shtetas i cili është afruar drejtë shtetasit Elton Çiça, duke e qëlluar tre herë me armë zjarri”, thuhet në njoftimin e policisë.
