Osman Lokman Gecer nga Duzce, në afërsi të Detit të Zi ka ndërtuar një ballkon të gjerë tetë metra katrorë lart në një pemë, në mënyrë që të shijojë natyrën e bukur përreth, raporton Anadolu Agency (AA).
Gecer, i cili jeton në vendbanimin Cumayeri kishte vendosur të ndërtojë këtë “ballkon” në një lartësi prej shtatë metrash në pemë në mënyrë që nga lartësia të shikojë turnetë e rafting-ut. Siç shprehet, me ndihmën e vëllait të tij ballkoni ishte ndërtuar për dy javë.
“Nuk kemi përdorur ndonjë material të posaçëm. Kemi përdorur dërrasat e gjetura por ja që fituam diçka të bukur. Nga ballkoni shikojmë lumin dhe konsumojmë çaj duke u kënaqur me pamjen”, tha Gecer.
“Në mbrëmje konsumojmë çaj këtu. Vijnë miqtë tanë, ndërsa kalimtarët bëhen kureshtarë kur na shikojnë lartë”, shtoi Gecer.
