Janë zbardhur emrat dhe fotot e bandës kriminale të trafikut të lëndëve narkotike që vepronte mes Shqipërisë, Italisë dhe Holandës. Nga ky orperacion janë vënë në pranga 15 persona, mes tyre edhe një ishkryebashkiak, Giovanni Sata, drejtues lokal në Budduso në Sardenja. Një prej të arrestuarve është Eugert Bici, i cili është ndaluar në shkurt të vitit 2014, gjatë një hetimi të prokurorisë së Kaljarit.
Në krye të kësaj organizate mësohet se janë dy shqiptarët, Eugert Bici, Elis Pisha dhe italiani Simone Canu. Poshtë tyre në këtë trafik kokaine mësohet se ishin ishkryebashkiaku, Giovanni Satta, i riu Alessio Salis, rumuni Alis Doboseru dhe shqiptari Gazmir Almeta. Korrierët e arrestuar në vitin 2014, janë Durim Bejko, shoqja e tij Silvana Bejko, Ronald Stomina e Vladimir Muçi. Në këtë organizatë kriminale bënin pjesë, Claudio Soddu, Alessandro Dessolis, Nicola S. Pinna, Gino Mureddu, Filippo Di Costanzo, Andrea Denanni dhe shqiptari Dashimir Hoxha, një njohje e vjetër e forcave të policisë. Operacioni është drejtuar nga Alberto Cicognani i forcave të Olbias.
