PANAMA PAPERS/ Viktima e parë e skandalit, kryeministri i Islandës

Kryeministri i Islandës Sigmundur Gunnlaugsson jep dorëheqjen pas skandalit të “Panama Papers”.
Ndërkohë më herët gjate ditës ai i kishte kërkuar Presidentit të vendit Olafur Grimsson që të shpërndajë Parlamentin, raporton agjencia e lajmeve “Reuters”.
Vendimi vjen ndërkohë që emri i kryeministri u përmend në skandalin e fundit të fshehjes së pasurive në Panama.
Kjo shkaktoi protesta në Islandë pasditen e shkuar, duke kërkuar dorëheqjen e kryeministrit.
Nga ana e tij, Presidenti ka deklaruar se do të konsultohet me partitë e tjera për ndërmarrjen e këtij vendimi, duke refuzuar paraprakisht shpërndarjen e Parlamentit.
Vetë Gunnlaugsson nuk ka pranuar të flasë për çështjen gjatë një interviste televizive.