Dafina Fama e shtruar në spital
Gjykata e Durrësit ka dhënë sot masën “arrest me burg” për kujdestaren Dafina Fana, e cila u ndalua pasi ka ushtruar dhunë ndaj fëmijës 3vjeçar, në shtëpinë e Foshnjes në qytetin bregdetar. Në datën 1 prill ajo u ndalua nga policia deri në sqarimin e plotë të rrethanave të ngjarjes.
Më herët, Prokuroria e Durrësit regjistroi procedimin penal për veprën penale “Keqtrajtimi i të miturve”, pas pamjeve të transmetuara në emisionin ‘Stop” të televizionit ‘Klan”, ku shfaqej edukatorja e Shtëpisë së Fëmijës që dhunonte një të mitur.
Ndërsa avokatja mbrojtëse e Dafina Famës, kërkoi që të konsiderohet i paligjshëm ndalimi i klientes së saj, por kërkesa u hodhposhtë.
Avokatja është përpjekur ta mbrojë duke thënë se ngjarja ka qenë aksidentale, pasi fëmija ka rrëshqitur në tualet. Gjithashtu avokatja ka thënë se klientja e saj ndodhet në maternitet pasi është shtatzënë. Ajo gjithashtu pretendoi se ngjarja i ka shkaktuar edhe probleme fizike e psikologjike. Sipas avokates, 44 vjecarja është në gjendje depresive që në momentin që mësoi se është në ndjekje penale.
