Debateve te komisioni parlamentar i ligjeve, nuk i ka munguar argumenti “pistoletë” e Gent Strazimirit.
Ndërsa deputeti i PD-së, Gent Strazimiri ka deklaruar se opozita nuk do lejojë mazhorancën të bëjë mbrapshtia.
“Do ndjekim të gjitha rrugët ligjore për t’ju ndaluar”, tha ai.
Në replikë, Piro Lutaj nga PS, iu drejtua Strazimirit me fjalët, “Ju kërkoni anarshi që nuk duhet ta lejojmë. Ne do t’i themi gjërat me emrin e vet. Kushdo që shfaqet me pistoletë duhet t’i tregojmë vendin”.
“Me këtë çështje po merren shokët e sigurimit”, iu përgjigj më tej Strazimiri.
Sakaq edhe deputeti Dashamir Peza u shpreh “nuk më vjen mirë që shoh skena me pistoleta”.
Ndërsa Strazimiri i qëndroi idesë së tij, kur tha se: “Autokritikë nuk kam ndërmend të bëj. Në grupin tënd parlamentar ke 5 veta brenda”.
Sërish reagoi Pirro Lutaj duke ju drejtuar Gent Strazimirit, “Ku e keni këtë kllufin?”.
Deputeti demokrat kishte pak çaste që kishte lënë mbledhjen për t’u rikthyer sërish. Por deklaratën e Lutaj e ka vijuar më pas demokrati Arben Ristani që në debat e sipër u shpreh, “Mos u bëni kllufa njëpërdorimsha të Edi Ramës”.
Batutat
Gent Strazimiri: Nuk do lejojë mazhorancën të bëjë mbrapshtia. Do ndjekim të gjitha rrugët ligjore për t’ju ndaluar.
Piro Lutaj: Ju kërkoni anarshi që nuk duhet ta lejojmë. Ne do t’i themi gjërat me emrin e vet. Kushdo që shfaqet me pistoletë duhet t’i tregojmë vendin.
Gent Strazimiri: Me këtë çështje po merren shokët e sigurimit
Dashamir Peza: Nuk më vjen mirë që shoh skena me pistoleta.
Gent Strazimiri: Autokritikë nuk kam ndërmend të bëj. Në grupin tënd parlamentar ke 5 veta brenda.
Pirro Lutaj: Ku e keni këtë kllufin?
Arben Ristani: Mos u bëni kllufa njëpërdorimsha të Edi Ramës.
