Të fitoni vëmendje nga shefi juaj nuk është dhe aq e vështirë, megjithatë kjo do pak punë. Kjo vëmendje nuk ka të bëjë me komplimente apo gjëra të tilla, kjo ka të bëjë me punën tuaj, vullnetin tuaj të mirë dhe mënyra strategjike që ju bëni në punë duke kthyer keshtu vëmendje edhe tek shefi.
Për të kthyer këtë vëmendje, në SHBA është bërë një kërkim shkencor dhe disa ekspertiza që kanë dhënë rezultate shumë të mira.
1.Shkoni herët në punë
Hulumtimet që janë bërë në një Universitet në Uashington tregojnë se punonjësit që shkojnë herët në punë janë perceptuar në përgjithësi nga menaxherët e tyre si të ndërgjegjshëm dhe me vullnet të mirë në punën që bëjnë.
2.Pyeteni për këshilla
Nëse e bëni punën tuaj duke mos u konsultuar asnjëherë me shefin tuaj, ju në të vërtetë nuk po bëni një punë të zellshme. Hulumtimet tregojnë se një këshillë e kërkuar nga shefi juaj, bënë dy palët të ndihen më mirë dhe më të drejtë në punë.Hulumtimet e kryera në Universitetin eHarvardit sugjerojnë se duke kërkuar këshilla ju tregoheni më të kujdesshëm në karrierën tuaj, transmeton lajmi.net.
3.Menaxho drejt
Menaxhimi është një term për të mësuar që shefi juaj vërtetë mendon për punën tuaj dhe jeni të sigurtë që ai ka besim në ju. Jo tërë punën që bëhet në zyra shefi juaj mund ta dijë, prandaj sipas hulumtimeve në fund të ditës është mirë t’i tregoni shefit tuaj si ka shkuar dita, sepse në fund të fundit kjo i jep prioritet shefit.
4.Kushtoni vëmendje detajeve
Nëse e konsideroni vetën një person me vlerë, kjo niset duke i kushtuar vëmendje gjërave të vogla. Kur shefi juaj kupton që ju i kushtoni rëndësi detajeve, atëherë ai do të ketë besim në ju t’iu japë edhe një punë me seriozitet të madh, kjo sepse ai do të fitojë besim në ju që ju nuk do ta zhgënjeni.
5.Mos harroni te thoni Faleminderit
Duke shprehur mirënjohje për reagimet e shefit tuaj, edhe nëse ato janë negative, mund ta bëjë atë të ndjehet mirë ndaj jush, kjo sipas një studimi në Universitetin e Kalifornisë Jugore.
6.Shprehni mendimin tuaj
Keni ndonjë ide? Shkoni dhe thuajani shefit tuaj. Nga hulumtimet që janë bërë, hulumtuesit këshillojnë punonjësit të ndajnë idetë me shefin e tyre për të ndarë kështu edhe disa pikëpamje tjera. Në momentin kur ju tregoni haptas idetë tuaja, kjo e bënë shefin të ketë vetëbesim dhe t’iu ndihmojë rreth idesë tuaj. Mos keni frikë dhe mos ngurroni ndaj tij, sepse edhe nga idetë më të këqija dalin ide të mira.
