Vajza e shkrimtarit të njohur Ismail Kadare, Besiana , është propozuar nga ministri i Jashtëm si ambasadore në Organizatën e Kombeve të Bashkuara në Nju Jork.
Kadare përfundoi një mandat të plotë si ambasadore e Shqipërisë në UNESCO ku ra në sy për lobimin e fortë lidhur me anëtarësimin e Kosovës në UNESCO.
Ministri i Jashtem Ditmir Bushati ka propozuar këto ditë si ambasador të Shqipërisë në Japoni, Gjergj Teneqexhiun, aktualisht drejtor i Kabinetit të ministres së Mbrojtjes, Mimi Kodheli.
Dy kandidaturat janë dorëzuar në Parlament dhe do t’i nënshtrohen procesit të seancave dëgjimore në Komisionin e Politikës së Jashtme.
