Bleona Qereti, edhe pse është çdo javë në Tiranë për spektaklin e TV Klan, mes dy netëve, ajo shpesh fluturon për në Los Angeles, por këtë herë këngëtarja ka qëndruar në Shqipëri, duke thelluar edhe ca miqësi. Gjatë javës ajo ka takuar si Stresin dhe Noizyn, dy reperë të njohur të cilët janë në rivalitet mes tyre, sepse janë pjesë e dy grupimeve të ndryshme artistësh që konfliktohen në tekste këngësh, por edhe në jetën reale.
Por Bleona ka bërë zgjedhjen e saj, edhe pse para pak ditësh shkruante “Me vëllanë tim, Stresin”, mbrëmë ajo në një foto me Noziyn deklaron “Që nga ky moment e në vazhdim, unë jam zyrtarisht një OTR”.
Të ketë ndikuar vallë Çiljeta, që gjithashtu është një këngëtare pranë OTR, që Bleona ka takuar më parë? Ajo që dihet është që tashmë pranë këtij grupi janë dy këngëtare supersexy tashmë. /Revista Class/
