Tanzani, “arrestohen” 61 majmunë, do trafikoheshin në Shqipëri

Dy vëllezër holandezë janë arrestuar ndërsa tentonin të eksportonin 61 majmunë në Shqipëri. Sipas medias afrikane “AllAfrica” ata u ndalën në Aeroportin Ndërkombëtar Kilimanxharo të mërkurën e shkuar përpara se të nisnin fluturimin përmes një avioni mallrash.
Megjithëse, ata paraqitën leje për transportin e majmunëve, rezultoi se ajo ishte lëshuar në mënyrë korruptive pasi Ministria e Burimeve Natyrore në Tanzani ka vendosur bllokimin e tregtimit të kafshëve të egra jashtë vendit.
Synimi i të arrestuarve ishte që blinin 300 majmunë, por kanë blerë 61 të tillë në gjashtë muaj e fundit.
Holandezët janë vëllezërit Artem Alik Vardanyan, 52-vjeç, dhe Eduard Alik Vardanyan, 44-vjeç, që të dy menaxherë hotelesh.