“Grupet terroriste nuk do t’ia dalin, jo thjesht dhe vetëm sepse ne të gjithë së bashku jemi më të fortë ushtarakisht, por sepse ne jemi më të fortë pikërisht se besojmë dhe mbështetemi tek vlerat njerëzore!”, deklaroi sot Presidenti i Republikës Bujar Nishani në një pritje me rastin e “Pranverës Frankofone 2016”.
“Ne jemi njerëz të lirë, që luftojmë dhe duhet të vijojmë pareshtur ta bëjmë këtë për një botë më të mirë dhe më të lirë, ndërsa ata janë qenie që jetojnë të varur nga skutat më të errëta të mendimit njerëzor, që e nuk njohin lirinë, që nuk e pranojnë diversitetin, që nuk e duan jetën! Ne sot jemi më solidarë se kurrë!”, theksoi Presidenti Nishani.
