Arma e krimit, pistoletë tip Z-Stava
Policia e Kavajës ka ndaluar 3 shtetas të shpallur në kërkim për veprat penale “Vrasje me dashje të kryer në bashkëpunim e mbetur në tentative”, “Prodhim dhe mbajtje pa leje e armëve luftarake dhe municionit”, parashikuar nga neni 76-22,25, 278/2 i Kodit Penal.
Burimet nga policia vendore, sqarojnë se të prangosurit në bashkëpunim me Prokurorinë Pranë Gjykatës Shkallës se Parë Kavajë janë David Xhihani, Arben Xhihani , të dy kushërinj midis tyre dhe Lorenc Merkoqi , shok i tyre, të tre banues në Kavajë.
Kapja dhe ndalimi i tyre është bërë pasi me datë 18. 03. 2016, te rruga e Qelqit Kavajë në ambientet e një palestre, pas një zënke për motive të dobëta David Xhihani dhe Arben Xhihani (kushërinj të parë), janë konfliktuar fizikisht me S. F.
Në konflikt e sipër, Arben Xhihani ka qëlluar me armë zjarri pistoletë S. F.
Nga të shtënat e armës së zjarrit S. F. ka pësuar lëndime të gjymtyrëve të poshtme (në këmbë) dhe është jashtë rrezikut për jetën.
Të dyshuarit si autorë u identifikuan nga policia që në momentin e parë të ndodhjes së ngjarjes dhe u shpallën në kërkim ku u kapen dhe u ndaluan sot.
Nga veprimet hetimore të kryera rezultoi se përveç kushërinjve Xhihani, bashkëpunëtor dyshohet të jetë dhe shtetasi Lorenc Merkoqi i përfshirë në këtë ngjarje, i cili u ndalua gjithashtu.
Me cilësinë e provës materiale u sekuestrua arma e krimit pistoletë tip Z-Stava dhe tre fishekë.
Të ndaluarit
● David Xhihani, 30 vjeç
● Arben Xhihani, 29 vjeç
● Lorenc Merkoqi, 24 vjeç
