Sokol Cikalleshi ishte lojtari i sfidës në derbin me Alban Mehën.
Sulmuesi realizoi në minutat e fundit të sfidës golin e barazimit për Basaksehir në fushën e Konyaspor. Cikalleshi u aktivizua si zëvendësues në 62’ duke u treguar vendimtar në këtë përballje që vlen shumë, pasi të dy ekipet ndodhen në zonën e kupave të Europës.
Ky ishte goli i katërt në këtë kampionat për Sokol Cikalleshin, vendimtar në disa ndeshje për Basaksehir. Alban Meha e nisi si titullar përballjen e javës së 26 të Superligës së Turqisë.
Mesfushori ishte nismëtar në golin e ekipit të tij, që në minutat e para të sfidës. Ai u zëvendësua në minutën e 80 të ndeshjes./Tv Klan
