Një hajduti i një fuoristrade përplas një tjetër automjet në tentativë për tu larguar. Pas ndjekjes së policisë ai përplas edhe makinën e efektivëve blu, ndërsa përfundon i përplasur me një supermarket. Pas kësaj, braktis automjetin e vjedhur dhe arrin ti shpëtojë policisë.
Ngjarja e pazakontë, e para nëpër filma “action” ka ndodhur mbrëmjen e sotme në “Tiranën e Re”.
Hajduti ka vjedhur një “Hyndai” fuoristradë dhe në tentativë për të ikur shpejt ka përplasur një automjet tjetër.
Drejtuesi i automjetit të aksidentuar ka nisur ta ndjekë atë deri sa përpara i ka dalë policia. Nga ana e saj policia i ka bërë shenjë hajdutit të ndalojë, ndërsa ky ka përplasur edhe mjetin e Policisë, duke humbur kontrollin e mjetit dhe duke u përplasur me një supermarket.
Pas aksidentit të tretë, hajduti ka dalë nga mjeti dhe është arratisur.
Policia ka nisur menjëherë punën për kapjen e tij, ndërsa ende nuk dihet identiteti i tij.
SI NËPËR FILMA/ Hajduti i fuoristradës, përplas makinën e policisë dhe “arratiset”
