Tre të rinjtë, dy djem dhe një vajzë ishin duke bërë xhiro me automjetin e tyre tip BMW në zonën më të frekuentuar të kryeqytetit, në ish-Bllok. Ndërsa njëri nga djemtë kishte vendosur në kokë një kapuç, të ngjashëm me ata që përdoren për grabitje, i cili i mbulonte dhe fytyrën, ka provokuar një aksion policor dhe ndjek me makinë në Bllok.
Për shkak se makina qarkulloi shpesh në një zonë të frekuentuar pamja e të rinjve ngjalli dyshime te policia, e cila u vu në alarm.
Duke u nisur nga pamja e jashtme e të rinjve, u dyshua se bëhej fjalë për grabitje ose për ndonjë aktivitet të paligjshëm. 4 skuadra “Shqiponja” u vunë në ndjekje të mjetit të të rinjve. Pasi rrethuan mjetin efektivët “Shqiponja” bënë shoqërimin e të rinjve në Drejtorinë e Policisë Tiranë. Pas verifikimit në polici rezultoi se të rinjtë nuk kishin bërë asgjë të paligjshme, thjesht kishin zgjedhur një mënyrë të gabuar për të qenë fashion.
