Kandidati presidencial republikan amerikan, Donald Trump anuloi një takim elektoral në Çikago për shkak të shqetësimeve lidhur me masat e sigurisë. Sipas stafit elektoral të Trumpit, ky i fundit u takua me përfaqësues të zbatimit të ligjit në Çikago përpara se të vendoste për anulimin e takimit elektoral.
“Ky veprim u bë për sigurinë e dhjetëra mijëra personave, të cilët ishin grumbullar brenda dhe përreth stadiumit ku Trump do të zhvillonte takimin”, tha një përfaqësues i këtij stafi. Megjithatë, sipas njoftimeve të medias, edhe shumë protestues ishin parë të grumbulloheshin në zonë.
“Përleshje mes mbështetësve të Trumpit dhe protestuesve shpërthyen pas anulimit të takimit elektoral”, njoftoi rrjeti informativ amerikan, CNN.
Këto foto janë shkrepur në ambientet e Universitetit të Çikagos. Mbështetës të Trump janë përleshur me kundërshtarë të tij. Ka pasur disa të plagosur.
Nuk dihet kur do ta zhvillojë takimin Trump në Çikago apo nuk do të bëjë një të tillë.
