Një çift shqiptarë janë arrestuar nga policia italiane, në Verona për posedim të lëndëve narkotike dhe armëve, të cilat iu gjetën gjatë një kontrolli në banesë.
Policia u ka gjetur edhe 110 mijë euro para kesh, Renato Hoxhës, 24 vjeç dhe Andja Ballës 20 vjeç. Sipas mediave fqinje ata banonin në një shtëpi në Reggo Emilia, ku iu gjetën një armë Glok 45 me 191 plumba dhe pesë kg kokainë në tableta që në ambalazh kishin një kurorë dhe të shkruar fjalët “Mbret”.
Fillimisht, Policia kishte ndaluar Renaton gjatë një kontrolli rutinë, në Verona, duke i gjetur atij në makinë 84 mijë euro, për të cilat shqiptari nuk qe në gjendje t’i justifikonte origjinën.
Hetimet e mëvonshme çuan në zbulimin se shqiptari sëbashku me partneren e tij, bënin një jetë përrallore, me një standart shumë të lartë jetese, pavarësisht se nuk punonin dhe nuk kishin asnjë pronë, shkruajnë mediat.
Pas kontrollit në banesë, policia gjeti armën të fshehur në dollapin ku vajza mbante të brendshmet.Hetimet janë duke vazhduar për të rindërtuar mënyrën se si ata e siguronin drogën dhe si e shisnin atë duke siguruar shifra marramendëse.
