“I ngacmuar” nga Arian Çani, në emisioni ku ishte i ftuar, Zonë e lirë”, në TV “Klan”, në se koj qeveri nuk do apo nuk di të bëjë gjëra “të mira”, Ben Blushi u përgjigj se, “kjo qeveri nuk di. Kjo qeveri është autike. Ajo nuk pranon varfërinë, rritjen e emigracionit, nuk pranon rritjen e borxhit, nuk pranon rritjen e papunësisë, nuk pranon se vendi po prodhon më pak, nuk pranon të ndryshojë rrugë,, mënyrën si po qeveris”, u shpreh Blushi.
Duke zbardhur diçka nga mbledhja e fundit e grupit parlamentar të PS-së, veçanërisht për momentin e përfolur të goditjes nga Rama me një gotë uji, Blushi u shpreh se “e vërteta është se atë ditë Edi Rama u mbyt në një gotë uji”.
Më tej, deputeti socialist ka ironizuar sërish “Rilindjen” dhe frikën e Ramës për tu ballafaquar me zgjedhjet në parti, kur pretendon se ka arritje e suksese.
“Pse ka frikë të bëjë zgjedhje, kur ka bërë një partia laburiste, shëndetësinë si gjermanët,apo taksat si në Zvicër. Rilindja është një pushtim i Shqipërisë nga Edi Rama. Rilindja është një faliment, një eksperiment historik. Rilindja ka vdekur si projekt politik. E keni vënë re, Edi Rama nuk e përmend më Rilindjen. Ai shkop është thyer. Unë dua të konkurrojë për PS jo për Rilindjen. Në Parlament ndodh që opozita flet për të sotmen, mazhoranca flet për të djeshme dhe askush nuk flet për të ardhmen. Pikërisht ata që besojnë dhe presin nga e ardhmja dua të përfaqësojë unë”, shtoi Blushi.
Blushi denoncoi “pushtimin” e Rilindjes edhe për sa i përket punësimeve.
Sipas Blushit, “nuk ka asnjë socialist në punë. Po ti marrësh për numër, në punë, janë Rilindja e para, LSI e dyta dhe socialistët të tretët. Partia po kthehet në një biznes privat”.
Blushi kishte edhe një batutë për mbështetësit e tij, Arta dade e Mimza Hafizi, por edhe për kundërshtarët, Gramoz Ruci, Pandeli Majko, e Bashkim Fino.
“Arta Dade e Mimza Hafizi janë socialiste, jo rilindëse, ndërsa Gramoz Ruci, Pandeli Majko e Bashkim Fino kanë bërë paqe me Rilindjen”, vijoi më tej Ben Blushi.
BATUTA/ Si e cilëson Blushi Qeverinë dhe Rilindjen
