Deputeti Ben Blushi ka përshkruar si cdo shkrimtar tipin e personit që bën zhurmë që të tjerët të mos dëgjohen. Duke folur në emisionin e Arjan Canit “Zonë e Lirë”, ai tha se ishte njëri që e njihte në rradhën e pare ne takimin e Elbasanit.
“Po i flisja dikujt që hungërinte, bënte një zhurmë të çuditshme dhe nuk arrija të dëgjoja veten. Ishte ulërimë e panatyrshme nuk e kisha dëgjuar kurrë. Punon në bashkinë e Elbasanit. Ai kishte cilësi si zhurmues, se cfarë ishte ai nuk e di”.
Në vijim Blushi tregoi një barcaletë të shkëputur nga një metodë e anglishtes me shumë përdorim në vitet e komunizmit.
Po tregoj një barcoletë. Nuk kishim libër anglishteje vetëm nje “Essential” para pluralizmit. Libri ka pasë shumë humor. Dhe njëri prej këtyre po e tregoj tani.
“Ishin katër shokë dhe shkojnë të kapin trenin nga një qytet në një tjetër. U vonuan dhe iku treni. Thanë të pinin nga një birrë dhe humbën edhe trenin tjetër e kështu me rradhë deri në trenin e gjashtë. Kur erdhi treni tre prej tyre arritën të hypnin në tren por njëri mbeti.
Ky që mbeti filloi të qeshte me të madhe. Kur e pyetën se pse po qeshte kaq shumë ndërsa kishte humbur trenin ai u përgjigj. Këta të tre qe kapen trenin kishin ardhur të më përcillnin mua”.
Edhe këta me Ramen janë nisur për të më përcjellë mua por kanë marrë trenin gabim, tha Blushi.
Me poshte foto e kopertines se librit qe citon Blushi.
