Foto Ilustruese
Një sherr masiv midis një grupi të rinjsh ka ndodhur pasditen e sotme në Elbasan. Protagonistë kanë qenë disa gjimnazistë, të cilët kanë arritur të nxjerrin e përdorin edhe thikat me të cilat ishin “armatosur”.
Ngjarja ka ndodhur në një lokal në Rrugën “Rinia” në Elbasan. Për arsye e motive ende të pazbardhura, të rinjtë janë përfshirë në një konflikt fizik midis tyre, duke përdorur edhe thikat.
Pas njoftimit në vendin e ngjarjes kanë mbërritur katër furgonë me policë, të cilët izoluan dhe shoqëruan dhjetëra gjimnazistë.
Deri tani nuk ka ndonjë informacion për ndonjë të dëmtuar të mundshëm, ndërsa po hetohet për shkaktarët dhe motivet e kësaj zënke masive.
