“Dushk për gogla”.
Së fundmi kjo historia qesharake me “ta hodha” po na shkruhet në Vlorë!
Pa pritur e pa kujtuar, pa asnjë lloj informimi apo konsultimi me qytetarët, kryebashkiaku doli e na tha se rruga “Kosova” do na mbillet me rrepe!
Për ju që nuk e dini rruga “Kosova” është në zemër të Skelës, gjendjes se degraduar të asaj rruge, po t’i shtosh edhe dekorimin me rrepe, atëherë mire se erdhe në cilin do fshat të Shqipërisë, por Vlorë mos kërko më kot!
Vlora ka mbetur një ëndërr e tretur në makutërinë, babëzinë dhe idiotllëkun e atyre që morën përsipër ta qeverisin!
A nuk të lë përshtypjen e një abuzimi edhe ky lloj investimi?!
Cilit mik të Kryetarit i kanë mbetur rrepet pa shitur?
Kjo në fakt nuk është gjë e vogël…
Kur Vlora është një qytet mesdhetar, e të jep të gjitha mundësitë të mbjellësh pemë dekorative, që nga bliri, ulliri, pisha, portokalli, limoni, nerenxa, e shumë të tjera, vërtet dekorative, vete gjen rrapin…
Kjo është vërtet të kesh në bashki një idiot që as e ka idenë ku po jeton!
Nga Arben Abazaj
