Policia e Elbasanit ka goditur një kontrabandë cigaresh në Cërrik. Sipas burimeve zyrtare, mësohet se nga operacioni “Paketa e Fundit” janë arrestuar tre persona. Policia i zbuloi paktet kontrabandë, të cilat ishin 1 mijë copë, në banesën e shtetases Lindita Allkoshja, 52-vjeçare banuese në Cërrik. Gjithashtu, janë arrestuar edhe Besnik Ferizaj, 46 vjeç nga Elbasani dhe Kristaq Çipi 30 vjeç po nga Elbasani.
Këta shtetas, u arrestuan nga efektivat e policisë, pasi në bashkëpunim me njëri-tjetrin, në automjetin në pronësi të shtetasit Besnik Ferizaj, tip “Sunday” veturë, me targa AA 030 DS transportonin mallra kontrabandë në qytetin e Cerrikut, duke tregtuar paketa pa pullë fiskale. Gjatë kontrollit të ushtruar në banesën e shtetases Lindita Allkoshja, grupi hetimor ka gjetur dhe sekuestruar në cilësinë e provës materiale: 1000 paketa dhe një automjetin tip “Sunday”, me targa AA 030 DS .
