“Ju mbani mend në vitin 2012 Shqipëria kishte dalë nga harta e trafikut të drogave të forta, Shqipëria nuk ishte më pikë tranzit. Ky është një kthim mbrapa dhe dalja e një krenaristi është e turpshme, në vend të futej sot skutave dhe të fshihej nga turpi për këtë damkë që mori vendi ynë, ai del me paturpësi së bashku me kryeministrin e tij si krenaristë dhe mburren për një turp dhe një damkë që iu vu vendit tonë sot”.
Deputeti i PD-së, Flamur Noka reagoi sot pas raportit të Departamentit Amerikan të Shtetit për narkotikët
“Raporti i Departamentit Amerikan të Shtetit ka konfirmuar atë që ne kemi thënë vazhdimisht, atë që shqiptarët kanë parë në këtë periudhë se Shqipëria është mbuluar me kanabis, Shqipëria është gjelbëruar anekënd me hashash. Shqipëria është prodhuesi kryesor i kanabisit në Europë dhe Shqipëria është pikë kryesore e tranzitit të drogave të forta. Konfirmim më të qartë dhe më të plotë se ky nuk ak për treguar se në këtë vend ku qeverisemi nga Edi Rama dhe ministri i tij kryetrafikant Sajmir Tahiri Shqipëria është kthyer në plantacion droge dhe në korridorin kryesor të drogave të forta”, deklaroi Noka
