Kanë përfunduar negociatat midis përfaqësuesve të mazhorancës e opozitës për dekriminalizimin. Përfaqësuesit e tyre respektivë, Taulant Balla dhe Oerd Bylykbashi kanë rënë dakord për të gjitha cështjet, përfshi këtu edhe formularin e vetëdeklarimit për të cilin nuk binin dakord.
Mësohet se shume shpejt do te nise edhe seanca plenare.
Negociatat e sotme, fillimisht nisën mes kryeparlamentarit Ilir Meta, Taulant Ballës dhe Oerd Bylykbashit. Pas tyre Bylolykbashi dhe Balla vijuan negociatat për dy çështje pezull për formularin e vetëdeklarimit, për të cilin nuk binin dakord. Palët, mësohet se kanë kërkuar kohë për të zbardhur pikat ku ka dakordësi.
Po sot u shty edhe Këshilli i Legjislacionit, për të pritur negociatat. Nga mbledhja e Këshillit të Legjislacionit varet edhe zhvillimi i seancës se Parlamentit.
Sipas afatit që ka përcaktuar vetë në ligj, Parlamenti duhet të nxjerrë brenda datës 6 mars aktet nënligjore që mundësojnë zbatimin e ligjit të dekriminalizimit.
Mbyllen negociatat për dekriminalizimin, Balla dhe Bylykbashi dakordësi për të gjitha çështjet
