Një 90-vjeçare zbulon se kishte kancer dhe vendos t’i shfrytëzojë ditët e mbetura për të udhëtuar. Kjo është zgjedhja e Normas, gruas amerikane, e cila dy ditë pas vdekjes së bashkëshortit ishte diagnostikuar me kancer në mitër.
Një lajm i tillë do të alarmonte shumë njerëz, por Norma vendosi që në vend që t’i nënshtrohet kimioterapisë, radioterapisë apo sallave të frikshme të operacionit, të shijojë jetën duke bërë xhiro nëpër Amerikë. Kjo mundësi i është ofruar nga djali dhe nusja, që e kalojnë pjesën më të madhe të kohës, duke lëvizur me një kamper.
Norma mund t’i bëjë kurat duke qenë në udhëtim, se bashku me çiftin. Deri më tani, ajo ka parë shumë vende në Amerikë. “Ne shohim gëzim tek sytë e saj, një gëzim që nuk e kemi parë për shumë kohë. Është e lumtur për çfarëdolloj gjëje dhe neve na pëlqen që të udhëtojmë me atë. Deri më tani kishim shëtitur shumë nga këto vende, por tani po i shikojmë nëpërmjet syve të saj dhe është argëtuese të shohësh reagimet e saj”, tha i biri.
