Foto Ilustruese
Një operacion i koduar “Elizea”, është finalizuar sot nga policia e Tiranës. Në përfundim të tij janë sekuestruar 9 kg lëndë narkotike e dyshuar e llojit canabis sattiva.
Burime zyrtare të policisë vendore të Tiranës, saktëson se, Seksioni Kundër Narkotikëve mbi bazën e informacioneve gjatë mbrëmjes sotme arrin të dokumentojë veprimtarinë e paligjshme të dy personave të cilët e ushtronin në qytetin e Tiranës në drejtim të narkotikeve.
Për pasojë janë arrestuar në flagrancë në zonën e Tiranës së Re, dy personat , Albert Alimema, 51 vjeç, banues në Tiranë dhe Orland Tenaj, 35 vjeç, banues në Tiranë.
Po ashtu u sekuestrua edhe një automjet i tipit “Volkswagen”, me targa AA 857 FP dhe 4 telefona celularë.
