Policia Malit të Zi ka arrestuar dy shqiptarë dhe u ka sekuestruar atyre 28 kg heroinë në pikën kufitare në Dubrovnik në tentativë për të kaluar kufirin nga Kroacia. Të arrestuarit janë shtetasit Emilian Arifi, 36 vjeç dhe Andi Metani, 29 vjeç.
Droga u zbulua falë kamerave speciale të policies. Heroina ishte fshehur në një makinë me targa shqiptare në pjesën mes motorit dhe kroskotit. Sipas policisë, Arifi dhe Metani tentuan të kalonin kufirin më 25 shkurt rreth orës 20:20 me një makinë “Peugeot”, e drejtuar nga 36-vjeçari.
