Kreu i PD-së, Lulzim Basha ka renditur sot gjatë fjalës së tij në forumin për “liri ekonomike”, akuzat ndaj qeverisë për situatën e rëndë ekonomisë së vendit dhe varfërinë që po vuajnë shqiptarët.
Për kreun e PD-së, Lulzim Basha ndonëse taksat dhe akciza janë rritur, paratë nuk përfundojnë në arkën e shtetit, por në xhepat e qeveritarëve. Duke folur në Forumin për Lirinë Ekonomike, Basha tha se kjo maxhorancë ka tendenca të forta të totalitarizmit. “Ndonëse ka dy parti që emërtohen dhe vetë-emërtohen socialiste, po në këto dy vite e gjysmë nuk ka reflektuar asgjë socialiste. Një shtet kleptokrat të inkriminuar dhe me tendenca të forta të totalitarizmit. Taksa të ulëta apo të larta, investime në sektorin social për të rritur barazinë, apo përpjekje për të shtuar lirinë e ndërmarrjes me qëllim krijimin e më shumë vendeve të punës dhe mirëqenies përmes një formule që funksionoi për 25 vite. Nuk kemi pasur kohë për këtë debat. Taksat janë rritur, akcizat janë rritur po paratë nuk përfundojnë në arkën e shtetit”, tha Basha.
Në këtë kontekst, Basha ka deklaruar jo pa ironi se partitë e majta në pushtet PS dhe LSI i kanë befasuar të djathtët, për besimin e madh që po tregojnë ndaj ofrimit të gjithë shërbimeve ndaj sektorit privat.
“Ky është një regjim kleptokrat. PS dhe LSI na kanë befasuar ne PD, partinë e lirisë ekonomike, 2 km djathtas nesh ne besimin e madh që kanë te sektori privat për të administruar fusha të jetës. Por ndryshimi ka marrë formë perverse”, tha Basha.
Vetëm vitin e kaluar akuzoi kreu i PD-së, 1/3 e buxhetit të shtetit përfundoi në xhepat e qeveritarëve, të cilët i ndanin këto para me klientët e tyre.
Sipas Bashës, PS e LSI, “kjo maxhorancë na ka çuditur, u ka besuar privatëve kontrata koncesionare në shëndetësi. Kjo mazhorancë ka aq besim te vetja sa çdo gjë ia beson partneritetit privat”.
BATUTA/ Lulzim Basha ironizon: PS – LSI, 2 km djathtas nesh
