Tarifa e parkimit ne terminal prej 40 euro i ka shqetësuar bizneset e Kosovës dhe të Shqipërisë që kryejnë tregti nga Morina. Kjo sipas tyre dëmton bizneset dhe marrëdhëniet tregtare mes dy vendeve.
Ky problem ekziston prej vitesh, por në periudha të caktuara kohore dogana e Kosovës është tërhequr nga vendime të tilla nga presioni i bizneseve. Pala e Kosovës duke mos pasur një terminal doganor, këtë funksion e kryen me sipërmarrje private që ndodhet në hyrje të Prizrenit. Importuesit kosovarë të materialeve të ndërtimit kryesisht hekur, tulla e çimento me origjinë Shqipërinë janë bizneset që i nënshtrohen këtij procesi regjistrimi e qëndrimi në terminal, i cili ka çmimin më të lartë në rajon.
Protestë në Morinë, bizneset e Kosovës dhe Shqipërisë kundërshtojnë tarifën e parkimit në terminal
