Fier, aksidentohen bashkëshortët, vdes burri, gruaja rëndë

Një aksident rrugor në Fier ka përfunduar me një të vdekur dhe tre të plagosur.
Burime të policisë lokale, bëjnë të ditur se nga aksidenti ka humbur jetën Hajredin Hoxha, i cili së bashku me bashkëshorten e tij, ishin duket ecur në këmbë në anë të rrugës, momentin e aksidentit nga një mjet tip “Benz”.
Mësohet se në gjendje të rëndë paraqitet dhe Florenca Hoxha, bashkëshortja e viktimës.
Aksidenti me pasojë vdekjen e një personi dhe plagosjen e tre të tjerëve, ka ndodhur mëngjesin e sotëm në aksin rrugor Levan- Fier në vendin e quajtur “Qafa e Koshovicës”.
Klajdi Profka, 19 vjeç, duke drejtuar mjetin autoveture tip “Benz”, me targë FR 4486 D, ka dalë nga rruga, duke u përplasur me kalimtarët Hajredin Hoxha, 66 vjeç dhe bashkëshorten e tij, shtetasen Floresha Hoxha 63 vjeç, banorë të fshatit Drizë. Si pasojë e kësaj përplasjeje, 66 vjeçari ka gjetur vdekjen në spitalin rajonal të Fierit, ndërsa janë duke u trajtuar me ndihmë mjekësore bashkëshortja e tij, drejtuesi i mjetit si dhe shtetasi E. R., 19 vjeç, i cili ndodhej në automjetin e aksidentuar.
Policia po punon për zbardhjen e shkaqeve të kësaj ngjarje, ndërsa mendohet se shkak ka qenë shpejtësia e madhe dhe humbja e kontrollit të mjetit.