Një person është plagosur në Shkodër, mesditën e sotme. I plagosur mësohet se ndodhet në gjendje të rëndë në spital.
Ngjarja ka ndodhur në lagjen “Ahmet Haxhia”. Sipas dëshmitarëve mësohet se viktima ka qenë duke hyrë në banesën e tij, ndërsa është qëlluar me armë zjarri, pistoletë, nga një person i maskuar.
Pas atentatit, i dëmtuari është dërguar në spitalin e qytetit.
Nga hetimet e para të policisë, e cila shkoi në vendin e ngjarjes, mësohet se viktima, është 56-Selami Ahmeti. Lidhur me motivet dhe autorin e këtij akti, ende polica vendore nuk jep ndonjë të dhëna.
Për sa i përket gjendjes shëndetësore të të plagosurit, mësohet se ai është goditur ën shtyllën kurrizore dhe ndodhet në një gjendje të rëndë.
Shkodër, plagoset duke hyrë në banesë 56-vjeçari
