Operacioni “Kredimarrësit Ekspres”, ka vënë nën pranga tre persona në Tiranë.
Burime të drejtorisë vendore ët Policisë së Tiranës, mësohet se dje, nga Specialistët e Krimit Ekonomik e Financiar, në kuadër të operacionit “Kredimarrësit Ekspres”, u bë arrestimi i Paulin Aliaj, Elisabeta Imerraliaj dhe Edison Nuzi.
Arrestimi i këtyre shtetasve u bë pasi, në bashkëpunim me njëri-tjetrin, po tentonin të tërhiqnin një kredi me dokumentacion të falsifikuar, në një bankë të nivelit të dytë.
Këta shtetas kanë arritur të marrin kredi në 5 (pesë) filiale bankash të nivelit të dytë.
Materialet proçeduriale iu kaluan Prokurorisë së Rrethit Gjyqësor Tiranë, për veprën penale të “Mashtrim”, “Mashtrim në Kredi” dhe “Falsifikim i Dokumentacionit”, parashikuar nga nenet 143/2,146/2 dhe 186/2 të Kodit Penal
Të arrestuarit
Paulin Aliaj, 25 vjeç, banues në Tiranë
Elisabeta Imerraliaj, 25 vjeçe, banuese në Tiranë
Edison Nuzi, 26 vjeç, banues në Tiranë
