Të paktën 42 numra telefoni janë vendosur në përgjim përgjatë procesit të hetimit të masakrës së Elbasanit në përpjekje për të ngushtuar zonën e vrasësve.
Burime nga grupi hetimor i policisë kanë pohuar se ndërkaq është ngushtuar rrethi i të dyshuarve, ndërsa duket se kanë gjetur edhe shkakun e ngjarjes së rëndë.
Sipas tyre, ngjarja ku mbeti i vrarë Agron Çapja, Eno Bedalli dhe Ardit Sinakolli mund të ketë ardhur si pasojë e disa konflikteve të ndodhura së fundmi mes pjesëtarëve të fisit Çapja me disa persona të tjerë, banore të Elbasanit.
Në sitën e hetuesve po kalon tashmë çdo konflikt i mundshëm i fisit Çapja. Nuk përjashtohet as pista e hakmarrjes dhe ajo e prishjes së pazareve për trafikun e drogës.
