Policia zvicerane ka ndaluar në aeroportin e Zyrihut, një të ri shqiptar me 4 kg kokainë. Sipas medieve zvicerane, mësohet se droga ishte fshehur në bagazhet e 26-vjeçarit, i cili vinte nga Sao Paolo (Brazil).
Shqiptari ishte tranzit në Zvicër, pasi nga aeroporti i Zyrihut ai do të udhëtonte për në Tiranë më pas.
Në zonën e tranzitit, në aeroport, ai u ka rënë në sy policëve si person i dyshimtë. Për këtë ata kanë ushtuar kontroll në bagazhet e tij ku zbuluan kokainën.
Shqiptari e kishte fshehur drogën duke e shpërndarë atë në xhepat e jashtëm të disa çantave për gra që mbante në valixhe.
Shqiptari me 4 kg kokainë nga Sao Paolo drejt Tiranës, arrestohet në Zyrih
