Drejtoria e Policisë Vendore në Dibër, ka dhënë hollësi për ngjarjen e ndodhur sot në Kastriot, ku mbeti i plagosur një i ri.
Sipas burimeve zyrtare të policisë vendore, mësohet se nga urgjenca e spitalit të Peshkopi rreth orës 12:00 ishin njoftuar se kishte mbërritur një person i plagosur me mjete të forta. Sipas policisë, i plagosuri është O. H., 17 vjeç banues në fshatin Kastriot, Dibër i cili është dërguar menjëherë me
helikopter drejt Spitalit të Traumës në Tiranë.
Ndërkohë, si rezultat i veprimeve të shpejta hetimore të kryera nga shërbimet e policisë, mësohet se u bë shoqërimi i 15-vjeçarit I. M., banues në fshatin Kishavec, Dibër. Policia njofton gjithashtu se po punohet për kapjen e shtetasit V .M., 24 vjeç banues në fshatin Kishavec si të dyshuarit kryesorë që plagosën shtetasin O. H.
Lidhur me rrethanat e plagosjes, policia sqaron se kanë qenë dy grupe me nga pesë veta dhe konfliktin e kanë krijuar rreth 2 km larg ambienteve të shkollës “Gjergj Kastrioti” në fshatin Kastriot Dibër.
Policia po punon për dokumentimin e plotë të ngjarjes.
Për më shumë mund të lexoni edhe …
Gjimnazistët përleshen me mjete të forta, plagoset rëndë një 17-vjeçar
/web/Gjimnazistet_perleshen_me_mjete_te_forta_plagoset_rende_nje_17_vjecar_13673_1.php
