Një 68-vjeçar nga Vora kishte fotografuar të bijën duke bërë seks me burrin e saj. Përveç kësaj, ai mbante foto intime të mbesës minorene dhe në total nga kompjuteri i Ahmet Dedejt u nxorën 52 fotografi erotike, ku shumica e objektivëve ishin të mitura.
Interpol Tirana e ekstradoi në Itali më 28 janar, pasi vitin e kaluar Gjykata e Salernos kishte lëshuar një urdhër-arresti. Sipas këtij urdhri, i arrestuari dyshohet për kryerjen e veprës penale “Krimeve seksuale me vajza nën moshën 14 vjeç”, pasi përndiqte në “Facebook” dhe në disa forume me foto e video intime një 14-vjeçare italiane, qëkur ajo ishte 12 vjeçe.
Pa shkelur kurrë në Itali, “mjeshtri” 68-vjeçar, raporton gazeta “Shqip”, kishte mundur që nëpërmjet linjës së telefonit, të lidhur me kompjuterin, të bindte një 14-vjeçare italiane, qëkur ajo ishte 12 vjeçe, që të zhvishej në “Facebook chat” dhe më tej të stimulonte akte seksuale. Kur vajza u lodh nga kjo histori dhe hoqi dorë, Dedej e kërcënonte se do t’ia publikonte në forumet e “Facebook”-ut, ndaj e mitura i tregoi nënës dhe që nga ky moment nisi “gjahu” për pedofilin misterioz.
Faktet skandaloze janë nxjerrë në dritë prej specialistëve shqiptarë dhe atyre italianë të policisë dhe prokurorisë. Sakaq, detajet rreth 52 fotove, ku spikasnin ato të vajzës së rritur, teksa bënte seks me të shoqin i kanë publikuar disa media italiane, ku informacioni më i plotë, bashkë me videot, ku flasin hetuesit, jepet te “salernonotizie.it”.
Ahmet Dedej është vënë në pranga, më 16 korrik vitit që shkoi, pranë banesës së tij në Vorë. Nga analizimi i hard diskut të kompjuterit të Dedejt, në Vorë, janë nxjerrë në dritë këto detaje skandaloze rreth aktivitetit pervers të 68-vjeçarit, i cili nuk mjaftohej me të huajt, por me sa duket e zgjeronte perversitetin edhe brenda familjes.
Për më shumë mund të lexoni edhe …
69 vjecari pedofil nga Vora ekstradohet në Itali
/web/69_vjecari_pedofil_nga_Vora_ekstradohet_ne_Itali_8562_1.php
