Ka shkuar në 30 numri i të plagosurve nga bombola që shpërtheu në Beragozhd të Pogradecit pak orë më parë.
Disa prej tyre janë plagosur rëndë dhe do të nisen me helikopter drejt Tiranës ndërsa një pjesë tjetër drejt spitalit të Korcës.
Besohet se në lokal kanë qenë të paktën 40 persona.
Policia dhe ambulanca kanë ndihmuar transportin e plagosurve ndërkohë që fshati ndodhte rreth 30 km larg nga qyteti i Pogradecit.
Incidentet e rënda nga shpërthimi i bomolave të gazit janë kronike në Shqipëri.
Pak muaj më parë një shpërthim bombole në një zonë me qarkullim të madh në Don Bosko plagosi dhjetra qytetarë.
