Ndër projektet e bashkisë Kamëz që do të zbatohen gjatë vitit 2016 është edhe ndërtimi i sheshit të ri në qendër të qytetit, pranë Pallatit të Kulturës, me sipërfaqe 3936 metra katrorë. Ky është një nga investimet e shumta që janë pjesë e financimeve të buxhetit të kësaj bashkie për vitin 2016.
Zbatimi i këtij projekti përbën fazën e parë të ndryshimit të pamjes së qytetit, e cila promovohet në një kohë që bashkia është në një fazë të zbatimit të shumë projekteve që kanë lidhje me zhvillimin e mëtejshëm të infrastrukturës dhe në funksion të përmirësimit të cilësisë së jetesës së qytetarëve të Kamzës.
Përveç gjelbërimit (që përfshin mbjellje e pemëve dekorative dhe luleve) dhe ndriçimit të bollshëm do të ketë një shatërvan, çezmë uji, kosha mbeturinash etj.
Për realizmin e këtij projekti kanë shprehur gatishmërinë për bashkëpunim edhe institucione dhe personalitete të huaja, si konsulli i Ambasadës Austriake, Wolfgang Marchardt. Konsulli austriak, i cili në dhjetor ishte i pranishëm për një vizitë në bashkinë Kamëz, u shprehur ndër të tjera se do të promovonte jo vetëm projektin për ndërtimin e këtij sheshi, por edhe projekte të tjera të rëndësishme për zhvillimin e qytetit të Kamzës.
FOTO/ Kamza, ja si do të transformohet sheshi i qendrës së qytetit
