Kryetari i socialistëve të rinj të Tiranës Artur Micko ka pranuar se autobusi me të cilin ata udhëtonin është kapur me drogë në një pikë kalimi kufitar mes Greqisë dhe Turqisë.
Micko, duke folur per news 24 ka mohuar se droga u është gjetur personave që përbënin grupin e të rinjve të FRESSH ndërkohë që secili prej tyre i është nënshtruar kontrollit të imtë të policisë turke.
“Në Ipsala policia ushtroi kontroll në autobus pasi autoritetet kishin info se në autobus kishte drogë. Mësuam se në autobus i gjet një sasi lëndë narkotike. U ndaluan shoferi dhe pasagjerët e tjerë. Të rinjtë e FRESH rreth 35 persona vijuan rrugën me autobus tjetër . Asnjë nga të rinjtë e FRESSH nuk ka lidhje drogën”, tha ai.
Në lidhej me autobusin ai mohoi që autobusi ka qenë një zgjedhje e tij. “Autobusin e gjetëm në një agjenci turistike që ofronte shërbimin Tiranë-Stamboll”, shpjegoi Micko.
Në një postim në Facebook ai ndërkaq shkruan:
“Duke marre shkas nga nje lajm i rreme i botuar ne nje gazete te perditshme dhe me pas i kopjuar nga disa portale, nga gazetare qe nuk respektojne as standardin minimal te gazetarise, konfirmimin e burimit te informacionit, deshirojme te informojme publikun per sa vijon:
Nje grup prej 35 aktivistesh te FRESSH jane nisur ne date 28 Janar per nje udhetim drejt Stambollit, udhetim i kryer me nje autobuz te kompanise fenix travel & tours. Ne autobuz, pervec 35 aktivisteve te FRESSH, ka patur edhe udhetare te tjere me destinacion te njejte. Pasi eshte kaluar kufiri mes Shqiperise dhe Greqise, ndalesa e pare ka qene ne qytetin e Selanikut, ku pasagjeret kane kaluar naten ne nje hotel. Diten e dyte ka nisur udhetimi nga Greqia ne Turqi dhe ne kufirin mes dy vendeve autobuzi eshte ndaluar per tu kontrolluar. Gjate kontrollit te mjetit, pasagjeret kane qendruar ne piken kufitare, jashte mjetit. Informacioni i marre nga autoritetet kufitare ishte se ne autobuz dyshohet te jete gjetur nje sasi lende narkotike e per pasoje shoferi i autobuzit, ndihmes shoferi, guida dhe nje tjeter person jane ndaluar nga policia. Pjeses tjeter te pasagjereve, pasi u jane dorezuar bagazhet, u eshte vene ne dispozicion nje tjeter mjet qe i ka derguar ne destinacion, Stamboll. I gjithe grupi i 35 aktivisteve te FRESSH eshte ne Stamboll ku po vazhdon programin e parashikuar. Asnje prej te ndaluarve nga autoritetet turke nuk i perket grupit te aktivisteve te FRESSH”.
