Policia e Vlorës arrestoi në flagrancë 5 shtetas pasi kundërshtuan me dhunë fizike 2-efektivë policie, në fshatin Dhërmi!
Arrestohen shtetasit:
1.Luftar Hysa, 20 vjeç, banues në Kamzë Tiranë.
2.Marjan Gjergji, 30 vjeç, banues në Lezhë.
3.Edmond Gjergji, 28 vjeç, banues në Lezhë.
4.Edison Dodaj, 20 vjeç, banues në Lezhë.
5.Aurel Dodaj, 29 vjeç, banues në Lezhë.
Arrestimi i këtyre personave, u bë për arsye se kanë rrahur me grushta dy policë të komisariatit të Vlorës që ndodheshin me shërbim në Dhërmi.
Shërbimet e Policisë së Vlorës, gjatë një kontrolli të ushtruar për persona me preçedent penal për rritjen e parametrave të sigurisë së rendit publik, në zonën e Dhërmiut, kanë bërë të mundur kapjen dhe arrestimin në flagrancë të shtetasve të mësipërm, pasi këta shtetas nuk ishin të pajisur me dokumentacion identifikimi dhe i janë kundër-përgjigjur efektivëve të policisë me forcë, duke mos iu bindur urdhërave të tyre dhe duke goditur me grushta 2 punonjës policie (B.M dhe M.L), thuhet në njoftimin e policisë.
Materialet i kaluan Prokurorisë në ngarkim të këtyre shtetasve për veprën penale “Kundërshtimi i punonjësit të policisë së rendit publik”.
