Nëndrejtori i Policisë së Shtetit, Ardian Çipa, konfirmoi sot në drekë arrestimin e 17 shqiptarëve gjatë një operacioni të zhvilluar në orët e para të mëngjesit të sotëm, në bashkëpunim me policinë italiane, sllokave dhe atë belge. Operacioni ndërkombëtar i koduar “TEMPESTA 2015”, coi në arrestimin e 17 shtetasve shqiptarë, nga të cilët 5 janë arrestuar në vendin tonë, 11 në Itali dhe 1 tjetër në Sllovaki.
Nga hetimet e përbashkëta të shtrira në 4 shtete, ka rezultuar se një grup kriminal i përbërë nga shtetas shqiptarë, gjatë periudhës shtator 2014 – qershor 2015, është përfshirë në aktivitetin kriminal të shtytjes, favorizimit dhe shfrytëzimit të prostitucionit si dhe shpërndarjes së lëndëve narkotike.
Autoritetet gjyqësore të Milanos, kanë lëshuar 18 masa sigurimi arrest në burg dhe një detyrim paraqitje në ngarkim të personave të dyshuar.
Grupi kriminal shfrytëzonte për prostitucion vajza nga Evropa lindore në zonën e Milanos, Itali.
Si rezultat i bashkëpunimit dhe koordinimit në kohë reale të Drejtorisë për Narkotikët dhe Trafiqet, Drejtorisë së Forcës së Posaçme Operacionale në Drejtorinë e Përgjithshme për Krimin e Organizuar dhe Krimet e Rënda, me Drejtoritë e policive vendore Fier, Tiranë, Durrës dhe Lezhë, ZKQ Interpol Tirana si dhe Zyrën Ndërlidhëse të Policisë Italiane në Tiranë, është bërë i mundur identifikimi dhe arrestimi në vendin tonë i shtetasve shqiptarë:
Edër DORZI, 34 vjeç, arrestuar në Tiranë.
Dorian SINANI, 28 vjeç,, arrestuar në Tiranë.
Julian LILA, 25 vjeç, arrestuar në Fier.
Ened BARE, 34 vjeç, arrestuar në Fier.
Silvjo (Eduart) NDREJAJ, 29 vjeç, arrestuar në Durrës.
Gjithashtu, pas shkëmbimit në kohë reale të informacionit për identifikimin dhe përcaktimin e vendndodhjeve të personave të dyshuar si pjesëtarë të këtij grupi kriminal, është bërë i mundur arrestimi në të njëjtën kohë në Itali dhe Sllovaki i shtetasve:
Haxhi LAMÇAJ, 39 vjeç,
Griseld (Emiljano) MALAJ, 34 vjeç,
Armando (Denis) MEÇAJ, 29 vjeç,
Orgert OSMANI, 25 vjeç,
Izmir RIZAJ, 26 vjeç,
Artan NDREJAJ, 34 vjeç,
Indrit NREJAJ, 28 vjeç,
Mark NDREJAJ, 33 vjeç,
Amarildo SALIHASI, 26 vjeç,
Lorenc SALIHASI, 23 vjeç.
Elvis ZIU, 34 vjeç dhe
Bledar MALAJ, 37 vjeç.
Policia e Shtetit falënderon partnerët ndërkombëtarë për bashkëpunimin e shkëlqyer dhe në vechanti Zyrën e Ndërlidhjes INTERFORZA të policisë italiane për shkëmbimin në kohë reale të informacioneve dhe mbetet e bindur se rezultatet mund të vijnë vetëm në sajë të një bashkëpunimi të tillë në luftën e përbashkët kundër të gjithë fenomeneve kriminale.
Për më shumë mund të ndiqni fotot …
FOTO LAJM/ Të arrestuarit në Shqipëri nga operacioni “Tempesta 2015” për prostitucion
/web/FOTO_LAJM_Te_arrestuarit_ne_Shqiperi_nga_operacioni_Tempesta_2015_per_prostitucion_13291_1.php
Si edhe videon …
VIDEO/ “Tempesta 2015”, momenti arrestimit të shqiptarëve të akuzuar për trafik prostitucioni
/web/VIDEO_Tempesta_2015_momenti_arrestimit_te_shqiptareve_te_akuzuar_per_trafik_prostitucioni_13294_1.php
