Florian Bushi
Florian Bushi, inspektori i Shërbimit Informative Shtetëror, dyshohet se ka furnizuar me informacione sekrete grupin kriminal ku dyshohet se bënte pjesë Ilir Memushaj, tashmë i arrestuar si bashkëpunëtor në një vrasje.
Sipas prokurorisë, inspektori Bushi punon prej vitesh pranë Shërbimit Informativë Shtetëror në sektorin e luftës kundër trafiqeve. Gjatë kësaj kohe, prokuroria pretendon se SHISH për llogari të hetimeve parandaluese të ngjarjeve kriminale po përgjonte një grup nga Fieri të dyshuar për trafik droge.
Në mesin e të përgjuarve ishte edhe Denis Kasa, që mbeti i vrarë në atentatin e mbrëmjes së 8 janarit në fshatin Mbrostar, në rrugën Fier-Vlorë.
Ilir Memushaj
Të gjitha lëvizjet e tij dhe komunikimet që kryente në telefon, inspektori Bushi i dispononte dhe dyshohet se me anë të fotografive i ka dërguar shtetasit Ilir Memushaj, që dyshohet se bënë pjesë ten je grup tjetër kriminal, rival i viktimës Kasa. Në këto përgjime, sipas akuzës, që i janë gjetur Ilir Memushajt në telefon, inspektori i tregonte për makinat që Denis Kasa përdorte për lëvizje dhe biseda të tjera që ai kryente.
Sipas prokurorisë, në momentin e arrestimit të Memushaj në telefonin e tij personal janë gjetur këto foto, që më pas nga verifikimi në zyrat qendrore të SHISH rezultonin se ishin përpunuar dhe zbardhur në kompjuterin e inspektorit Florian Bushi, i cili ka pranuar njohjen me Ilir Memushajn, tashmë i arrestuar si bashkëpunëtor në vrasjen e ndodhur në zonën e Fierit, ku u ekzekutua Denis Kasa dhe u plagosen dy shokët e tij.
