Kreu i PD-së Lulzim Basha, ka bërë homazhe sot për gazetarin Agron Balën, trupi i të cilit ishte vendosur në hollin e RTVSH-së.
Me këtë rast, ai pati edhe një mesazh,
“Shpreh ngushëllimet e mia për familjarët e Agron Balës. Ndarja e shpejtë dhe shumë e parakohshme nga jeta na ka hidhëruar thellë, ka hidhëruar thellë kolegët e tij, komunitetin e gazetarëve, pedagogët, publicistët, ndjekësit e tij anembanë.
Në këtë ditë dua ta përkujtoj si një njeri që i shërbeu gjithë jetën e tij të vërtetës, si kumti dhe misioni i gazetarit dhe të shpreh besimin se gjenerata të tërë gazetarësh të edukuar nga pedagogu Bala do të dinë ta ruajnë amanetin e tij për t’i shërbyer të vërtetës, për t’i shërbyer me devotshmëri publikut dhe qytetarëve pavarësisht prej kostos që kjo sjell në jetën personale dhe profesionale, kosto të cilën Agron Bala diti ta përballojë me dinjitet gjatë gjithë jetës së tij të shkurtër por të ngjeshur në shërbim të gazetarisë, të vërtetës dhe publikut shqiptar.
U prehtë në paqe!”, ishte mesazhi i kreut të PD-së.
Lulzim Basha: Agron Bala i shërbeu gjithë jetën e tij të vërtetës
