Një person i pajetë është gjetur i hedhur në një kanal në Mallkuc të Krujës. Viktima i seksit mashkull ka shenja dhune në kokë dhe dyshohet se është vrarë.
Viktima eshte ende e paidentifikuar zyrtarisht nga policia e Durrësit. Nga këqyrja e trupit janë konstatuar shenja plagësh. Të tilla janë parë edhe në pjesën e kokës dhe dyshohet se ai është vrarë e më pas hedhur në kanal.
Korrespondenti i “Panoramës” raporton se dyshimet e para të policisë, lidhen me pengun e marrë një natë më parë në Durrës, por për këtë nuk ka ende konfirmim zyrtar. Policia ka mbërritur në vendin e ngjarjes dhe ka nisur hetimet.
